100 ta gol urgan futbolchi “Liverpul”dan ketganidan afsusda

“Manchester Siti” sharafini himoya qilayotgan Rahim Sterling yaqinda Angliya premer-ligasidagi 100-golini urdi.

Hujumkor futbolchi jurnalistlar bilan suhbatda hayotida bir marta katta xato qilganini tan oldi.

- Futbolchilik faoliyati juda qisqa va sen nima qilishing kerakligini aniq bilishing kerak. Ba’zan qabul qilgan xatolaring xato bo‘lib chiqadi.  Ba’zan o‘zgarishlar yaxshilikka bo‘ladi.

Faoliyatimdagi afsuslanadigan yagona qadamim – “Liverpul”dan ketish bo‘lgan. Qolgan hammasi yaxshi edi.

O‘sha paytda mening maqsadlarim klubniki bilan to‘g‘ri kelmay qolgan. “Liverpul”dan ketganimdan hozir ham afsusdaman. Klub faoliyatimda va hayotimda muhim rol o‘ynagan. Doim “Liverpul”ga alohida mehr bilan qarayman, - dedi Sterling.

Sterling 2012-2015 yillar davomida “Liverpul” safida 95 ta uchrashuvda 18 ta gol urgan. Keyin “Manchester Siti”ga o‘tib, hamon “shaharliklar” sharafini himoya qilmoqda. Gvardiola jamoasida Rahim 209 ta o‘yinda 82 ta to‘p kiritdi.