20 миллион евро тўлаган жамоа Дибалани "Рома"дан олиб қўйиши мумкин, фақат...

Аргентиналик ҳужумчи Пауло Дибала ва "Рома" ўртасидаги 3 йиллик шартнома тафсилотлари маълум бўлди.

Журналист Жанлука Ди Марционинг ёзишича, томонлар ўртасида имзоланган шартномада футболчининг товон пули 20 миллион еврони ташкил этади.

Бироқ, “Рома” 28 ёшли футболчининг маошини ошириш ёки шартномасини узайтириш орқали унинг трансферига тўсқинлик қилиш ҳуқуқига эга.

Эслатиб ўтамиз, Дибала “Ювентус”ни эркин агент сифатида тарк этиб, "Рома"га текинга кўчиб ўтган эди.