21 ёшли россиялик футболчи учун Европанинг 3 та гранди кураш бошлади

Москванинг ЦСКА клуби форварди Фёдор Чалов Европа грандларининг қизиқишлар доирасига кириб қолди.

Estadio Deportivo нашри тарқатган хабарга кўра 21 ёшли россиялик футболчини "Севилья", "Челси" ва "Ливерпуль" каби жамоалар ўз сафида кўрмоқчи.

Эслатиб ўтамиз, бундан аввалроқ Чаловга "Эвертон" ва "Кристал Пэлас" клублари ҳам қизиқаётгани ҳақида хабарлар тарқалган эди.

Маълумот учун, Чалов жорий мавсум ЦСКА сафида 23 та ўйинда майдонга тушди ва ўз ҳисобига 5 та гол ҳамда 3 та голли узатма ёздириб қўйишга эришди. Унинг айни дамдаги трансфер нархи эса 16 млн еврога баҳоланмоқда.