38 ёшли Фрэнк Лэмпард ўзига янги клуб излаётганига шаъма қилди

АҚШнинг “Нью-Йорк Сити” жамоасидан кетиб, эркин агентга айланган 38 ёшли Фрэнк Лэмпард фаолиятини давом эттириш учун вариантлари бор эканини айтди.

“Фаолиятимни давом эттириш учун вариантлар бор. Жисмоний ҳолатимни сақлаб турибман, чунки майдонга тушсам бу менга қўл келади. Бахтимга, фаолиятим узоқ ва ажойиб ўтди. Лекин яна тўп суришга қодирман. Трансфер ойнасида нималар бўлишини ҳеч ким билмайди. Ҳозирча кутиб турамиз”, – деди англиялик футболчи.

Эслатиб ўтамиз, Фрэнк Лэмпард фаолиятининг асосий қисмини “Челси”да (2001–2014) ўтказган. Шунингдек у карьераси давомида “Вест Хэм” (1995–2001), Суонси (1996, ижара), “Манчестер Сити” (2014–2015) клубларида ўйнаган.

Англия терма жамоаси сафига Фрэнки 106 ўйин ўтказиб, 29 та гол киритишга муваффақ бўлган.