Суперлига 7-турида «Машъал» жамоаси «Локомотив»га қарши майдонга тушади. Муборакликлар матбуот хизмати учрашувга оид маълумотларни тақдим этди.  

Учрашув расмийлари

Бугун Муборакда бўлиб ўтадиган "Машъал" – “Локомотив” баҳсини Рустам Лутфуллин бошқариб боради. Унга қанотларда Ҳусниддин Шодмонов ва Александр Буров ёрдам беришади. Захира ҳаками сифатида Тўрабек Суюнов ишлайди. Ҳакамлар ишини Тимур Абдуллаев назорат қилади. Комиссар Шоҳруҳ Саид.

Ўзаро ўйинлар

Жамоалар чемпионат баҳсларида 26 беллашувда тўқнаш келишган. Уларнинг 13 тасида "Локомотив", 10тасида "Машъал" ютуққа эришган. 3 ўйин дуранг билан якунланган. Муборакликлар рақиб дарвозасини 28 бор ишғол қилган бўлсалар, "Локо" эса 33 та гол урган.

“Машъал” Олий лигада “Локомотив” устидан 4:1 ҳисобида ғалаба қозонган. Бу ўзаро ўйинлардаги воҳа клубининг энг йирик ғалабасидир. “Локомотив”нинг ўзаро ўйинлардаги энг йирик ғалабаси эса 4:0 бўлиб турибди.

Бошланиш вақти

“Машъал” – “Локомотив” учрашуви 5 май чоршанба куни соат 17:00да бошланади. Ўйин "Дунё бўйлаб" телеканали олқали жонли эфирда намойиш этилади.