Алекс Фергюсон МЮ бош мураббийлигида кимни кўрмоқчи?

"Манчестер Юнайтед" клубининг афсонавий устози сэр Алекс Фергюсон жамоа раҳбариятига ўзининг бош мураббий борасидаги қарашларини маълум қилди.

The Independent нашри тарқатган хабарга кўра шотландиялик мутахассис МЮга Уле Гуннар Сульшернинг доимий бош мураббий бўлишини қўллаб-қувватламоқда. Таъкидлаш керакки, норвегиялик мутахассис Жозе Моуриньо истеъфога чиқарилгач унинг ўрнига мавсум якунига қадар вақтинча бош мураббий этиб тайинланган эди.

Эслатиб ўтамиз, “қизил иблислар” Сульшер қўл остида қаторасига 7та ўйинда ғалаба қозонишди. МЮ айни дамда АПЛ мусобақа жадвалида 6-ўринни эгаллаб туришибди.