Ана холос! "Барселона" Испания кубогидан четлатилиши мумкин

Каталониянинг "Барселона" клуби жорий мавсум Испания кубогидан четлатилиши мумкин. Бу ҳақда El Mundo Deportivo нашри хабар бермоқда.

Бунга “Леванте”га (2:1) қарши мусобақанинг 1/8 финал дастлабки баҳсида каталонияликлар сафида дисквалификацияга учраган футболчи майдонга туширилгани сабаб бўлиши мумкин. Гап Хуан Мовилье ҳақида кетмоқда. Ушбу футболчи “Барселона” ёшлар жамоасида дисквалификацияга учраган ва шу боис “Леванте”га қарши баҳсда иштирок этиш ҳуқуқига эга эмас эди.

Эслатиб ўтамиз, “Барселона” – “Леванте” жамоалари ўртасидаги жавоб баҳси бугун бўлиб ўтади. Ушбу баҳс Тошкент вақти билан соат 01:30да старт олади.