"Арсенал" "Барселона" футболчиси учун 100 миллиондан воз кечишга тайёр

Лондоннинг "Арсенал" клуби "Барселона" вингери Усмон Дембелега жиддий қизиқиш билдира бошлади. Бу ҳақда El Mundo Deportivo нашри хабар тарқатмоқда.

Юқоридаги манбаанинг маълум қилишича “канонирлар” 21 ёшли франциялик футболчи учун каталонияликларга 100 миллион евро таклиф қилишга тайёр. Аниқроғи, лондонликлар дастлаб 10 млн евро эвазига Дембелени бир йилга ижарага олишиб, кейинчалик ушбу муддат якунига етгач уни 90 млн еврога сотиб олишмоқчи.

Эслатиб ўтамиз, Дембеле “Барселона” сафига бундан бир йил муқаддам Дортмунднинг “Боруссия” клубидан 120 млн евро эвазига келиб қўшилган эди.