Лондоннинг "Арсенал" клубия қинлашиб келаётган қишки трансферлар даврида йирик харидни амалга оширмоқчи.

La Gazzetta dello Sport нашри тарқатган хабарга кўра “канонирлар” давралар оралиғида “Рома”нинг иқтидорли футболчиси Женгиз Ундерни сотиб олмоқчи ва бунинг учун “бўрилар”га 70 млн евро тўлашга тайёр. Лондонликлар 21 ёшли турк футболчисини ўзининг узоқ муддатга сафдан чиққан ярим ҳимоячиси Дэнни Уэлбек ўрнига муносиб кўришмоқда.

Маълумот учун, Ундер “Рома” сафида 2017 йилдан буён тўп суриб келмоқда. У ўтган давр мобайнида жами 46та ўйинда иштирок этди ва ўз ҳисобига 11та гол ҳамда 7та голли узатма ёздириб қўйишга эришди. Унинг римликлар билан амалдаги шартномаси эса 2022 йилга қадар имзоланган.