"Atletik" 2 nafar etakchi futbolchisi bilan shartnomani uzaytirdi

Bilbaoning “Atletik” klubi o‘zining rasmiy sayti orqali ikki nafar futbolchisi bilan shartnomani uzaytirganini e’lon qildi.

Unga ko‘ra basklar himoyachi Mikel Balensiaga va yarim himoyachi Oskar De Markoslar bilan amaldagi kelishuvni 2021 yilga qadar uzaytirishdi.

Ma’lumot uchun, 30 yoshli Balensiaga “Atletik” safida 2013 yildan buyon, 29 yoshli De Markos esa 2009 yildan buyon to‘p surib kelmoqda.