"Атлетико"нинг икки нафар аъзоси сафга қайтди

“Атлетико” Мадриднинг икки нафар аъзоси – ярим ҳимоячи Витоло ҳамда ҳужумчи Никола Калинич жароҳатидан соғайиб сафга қайтди.

Клуб расмий сайти тарқатган хабарга кўра бугун ҳар иккала футболчи ҳам жамоанинг умумий гуруҳида шуғулланишган.

Маълумот учун, 28 ёшли Витоло 20 август куни, 30 ёшли Калинич эса 7 сентябрь куни жароҳат олган эди.