Машҳур агент Португалия Ўзбекистонни енгишига ишонмаяпти!

Жаҳон чемпионатининг “К” гуруҳидан ўрин олган Колумбия, Португалия, Конго Демократик Республикаси ва Ўзбекистон миллий терма жамоалари иккинчи тур учрашувига тайёргарликни бошлаб юборди.

Ушбу гуруҳнинг илк турида Колумбия Ўзбекистонни 3:1 ҳисобида енгган бўлса, Португалия кутилмаганда Конго билан дуранг ўйнади – 1:1.

Биринчи тур якунларига кўра, португалиялик машҳур футбол агенти Паулу Барбоза Португалиянинг Ўзбекистонга қарши бўладиган учрашуви олдидан ўз фикр-мулоҳазаларини билдириб ўтди.

Барбозанинг фикрига кўра, 41 ёшли Криштиану Роналду учун бутун ўйинни майдонда ўтказиш жуда оғир. Буни Конго қарши ўтказилган баҳс ҳам исботлади. Барбоза Португалия терма жамоаси бош мураббийи Роберто Мартинеснинг Криштиануни асосий таркибда майдонга тушириш қарори нотўғри, эканини таъкидлади.

Агентнинг фикрига кўра, Роналду биринчи учрашувда ишончни оқлай олмаганидан кейин Ўзбекистонга қарши бўладиган ўйинни катта эҳтимол билан захирада бошлайди.

Бундан ташқари, Паулу Барбоза Конгога қарши ўтказилган ўйин таҳлилидан кейин Португалия терма жамоасининг гуруҳдаги қолган иккита баҳсдаги имкониятини ҳам шубҳа остига олмоқда.

- Биринчи ўйинга таяниб гапирадиган бўлсам, Португалияга нисбатан менда ишонч йўқ. Ўзбекларнинг Колумбияга қарши ўйинини ҳам кўрдим. Менимча, Ўзбекистон Конгодан кучлироқ... Колумбия ҳақида эса гапириб ўтиришнинг ўзи ортиқча, – деди Паулу  Барбоза.

Эслатиб ўтамиз, Ўзбекистон ва Португалия ўртасидаги учрашув 23 июнь куни бўлиб ўтади. Ушбу баҳсга АҚШнинг Хьюстон шаҳридаги 72220 ўринли “Houston Stadium” аренаси мезбонлик қилади.

Учрашув Тошкент вақти билан соат 22:00 да бошланади.

Ҳабиб Нурмагомедов: Ўзбекистон ғалабага жуда оч, етакчиси - Ҳусанов!

Ноёб ҳодиса: Файзуллаев жаҳон чемпионатлари рекордини ўрнатди

Қозоқлар бу сенсацияни Ҳусановнинг “Сити”га ўтишидан аввал эълон қилмоқчи эди!

Испанияда порлаган юлдуз: Ҳеч ким ўзбекларни қаттиқ танқид қилмайди, улар ўйиндан завқ олсин!

Ноёб ҳодиса: Файзуллаев жаҳон чемпионатлари рекордини ўрнатди

Ирисметов мундиалда плей-оффга чиқиш йўлини айтди

Тимур Кападзе эски шогирдларининг мундиалдаги ўйинини қандай баҳолади?