Azarning otasi: Agar Zidan "Real"dan ketmaganida, hammasi boshqacha bo‘lishi mumkin edi

"Chelsi" klubi vingeri Eden Azarning otasi Terri o‘g‘li nima sabab "Real"ga o‘tmaganini bilmasligini, ammo Zidan “qirollik klubi”da qolganida vaziyat boshqacha bo‘lishi mumkinligi haqida gapirib o‘tdi.

“Nima uchun Azar bu yoz “Real”ga o‘tmagani haqida bir nima deya olmayman. Xohlamaganim uchun emas, bilmaganim uchun. Edenning “Chelsi” bilan yana bir yil shartnomasi bor. Shu bois u umuman “Real”ga o‘tmasligi ham mumkin. Lekin, agar Zidan jamoada qolganida vaziyat boshqacha ko‘rinish olishi ham mumkin edi. Lekin u ma’lum sabablarga ko‘ra ketdi”, - deydi belgiyalik futbolchining otasi.