"Барселона" Мунир билан келиша олмаяпти

Sport.es хабарига кўра, каталонияликлар унга янги битим таклиф қилишган, аммо футболчига унинг шартлари маъқул келмаган. Мунирнинг "Барселона" билан амалдаги шартномаси 2019 йилнинг ёзида ниҳоясига етади. Шу боис у бошқа жамоалар билан ҳам музокара ўтказиш ҳуқуқига эга.

Клубдагилар эса 23 ёшли ҳужумчини жамоада олиб қола олишларига ишонмоқда ва яня янги шартнома таклиф қилишга тайёр.

Маълумот учун, Эл-Хаддади бу мавсум "кўк-анор ранглилар" сафида 6 та беллашувда майдонга тушди ва 1 та гол киритиб, яна шунча голга ассистентлик қилди.