"Барселона" Рабьо билан музокараларни тўхтатди

Каталониянинг "Барселона" клуби ПСЖ хавбеки Адриан Рабьо билан музокараларни давом эттиришдан бош тортди. Бу ҳақда Sport.es нашри хабар бермоқда.

Юқоридаги манбаага кўра 23 ёшли франциялик футболчи “кўк-анор ранглилар”нинг таклифини жуда кўп ўйлаб юборган ва уларга аниқ жавоб айтмаган. Энди Рабьо “Барселона”га ўтишни хоҳласа бу борадаги музокараларни давом  эттириш бўйича ўзи таклиф билан чиқиши керак. Бироқ, бу вазиятда энди каталонияликлар унга нисбатан пастроқ маош таклиф қилишлари мумкин.

 Маълумот учун, Рабьонинг ПСЖ билан амалдаги шартномаси жорий мавсум якунида ўз ниҳоясига етади. Унга шунингдек "Бавария", "Тоттенхэм", "Челси" ва "Ливерпуль" клубларидан ҳам қизиқишлар мавжуд.