"Барселона" Рабьога ультиматум қўйди

El Mundo Deportivo нашри тарқатган хабарга кўра, "блаугранаслар" франциялик футболчининг қатъий қарорини кутмоқда. Агарда, Рабьо каталонияликларнинг таклифини келгуси ҳафтагача қабул қилмаса, "Барселона" уни сотиб олиш фикридан қайтиши айтилмоқда.

Илгарироқ ОАВда "Барселона"нинг Рабьога йилига 10 млн евро маош ва яна шунча ҳажмдаги бонус таклиф қилгани айтилган эди. Футболчининг онаси эса 15 млн евро талаб қилмоқда.

Маълумот учун, Рабьонинг парижликлар билан амалдаги шартномаси ёзда ниҳоясига етади.