“Барселона” ҳужумчиси АПЛга кўчиб ўтиши мумкин

Англиянинг "Лестер" клуби "Барселона" форварди Пако Алькасерни сотиб олишни режалаштирмоқда. Бу ҳақда Sport.es нашри хабар тарқатди.

Унга кўра “тулкилар” 24 ёшли футболчини жорий ёзги трансферлар давридаёқ қўлга киритишмоқчи. Айтиш лозимки, ушбу трансфер инглиз клубига камида 30 млн еврога тушиши мумкин.

Маълумот учун, Пако ўтган мавсум “Барселона” сафида жами 24та ўйинда майдонга тушган ва рақиблари дарвозасига 7та гол уришга эришган.