"Барселона" ҳужумчиси ёзда жамоани тарк этиши мумкин

El Mundo Deportivo нашри тарқатган хабарга кўра, футболчи ўйин амалиётига эга бўлиш учун 2019 йилнинг ёзида ниҳоясига етадиган шартномасини узайтиришни истамаяпти.

Унга «Алавес», «Бетис», «Сельта», «Шальке-04», «Марсель», «Вест Хэм Юнайтед» ва «Наполи» каби жамоалардан қизиқиш бўлмоқда.

Маълумот учун, 23 ёшли Мунир "Барселона" академияси тарбияланувчиси саналади. Жорий мавсумда у Испания Ла Лигасида 7 учрашувда майдонга тушди ва 1 гол киритиб, яна бир голга ассистентлик қилди.