“Барселона” роппа-роса 1 йил давомида Ла Лигада тўхтовсиз гол уриб келаётганди

Испания чемпионати 23-турида “Барселона” сафарда “Атлетик” меҳмони бўлди. Мазкур ўйинда томонлар 0:0 ҳисобидаги дурангга имзо чекишди.

Шу тариқа каталонияликлар 37 ўйиндан иборат голли сериясига якун ясади. Жамоа 1 йил давомида Испания чемпионати доирасида рақибларига камида битта гол уриб келаётган эди.

Сўнгги маротаба шундай ҳолат роппа-роса 1 йил олдин кузатилган эди. 2018 йилнинг 11 февраль куни “Барселона” вакиллари “Хетафе” билан ўйинда рақиб дарвозасига гол топ олмаганди.