"Барселона" сўнгги 44 йил ичидаги энг ёмон натижасини қайд этди

Каталониянинг "Барселона" клуби Ла Лиганинг ўтган 12та тур якунларига кўра ўз дарвозасидан жами 18та гол ўтказиб юборди.

Opta Sports нашри тарқатган хабарга кўра бу “кўк-анор ранглилар”нинг сўнгги 44 йил ичидаги энг ёмон натижаси ҳисобланади. “Барса” сўнгги бор 1974/75 йилги мавсумда ҳимояда шу қадар ёмон ўйнаган. Ўшанда ҳам жамоа дастлабки 12 турда ўз дарвозасидан 18та гол ўтказиб юборган.

Эслатиб ўтамиз, “Барселона” кеча ўз майдонида “Бетис”га 3:4 ҳисобида имкониятни бой бериб қўйди.

Маълумот учун, “Барселона” ҳозирча Ла Лигада жами 24 очко тўплаган ҳолда пешқадамлик қилмоқда.