"Барселона"нинг 3 нафар футболчиси Мессининг "қора рўйхати"га кириб қолди

Каталониянинг "Барселона" клуби сардори Лионель Месси жамоанинг 3 нафар футболчиси кўрсатаётган ўйинлардан норози бўлмоқда.

Goal.com интернет нашри тарқатган хабарга кўра 31 ёшли аргентиналик футболчининг “қора рўйхати”га Серхи Роберто, Рафинья Алькантара ва Усмон Дембелелар кириб қолишган. Унинг фикрича айнан мана шу футболчилар “Барселона” даражасидаги ўйинларни намойиш эта олишмаяпти.

Эслатиб ўтамиз, Месси қўлидан олган жароҳати сабаб сўнгги бир нечта ўйинларни ўтказиб юборди.