Белоттининг нархи ошгани сари унга харидорлар кўпаймоқда
Италия чемпионати тўпурарлари баҳсида пешқадамлик қилаётган “Торино” ҳужумчиси Андреа Белоттининг трансфер нархи бу мавсумда бир неча баробар ошиб кетди.
“Торино” президенти Урбано Каиро “А” Серияда 24 учрашувда 22 та гол урган ҳужумчининг трансфер нархи 150 миллион еврога кўтарилганини маълум қилган эди. Шунга қарамай, бу футболчини олишга уринаётган жамоалар қаторига “Манчестер Сити” ҳам қўшилди.
Айни пайтда 23 ёшли ҳужумчига “Бавария”, “Реал”, “Манчестер Юнайтед”, “Арсенал”, “Ливерпуль” ва “Тяньцзинь Цюаньцзянь” жамоалари ҳам жиддий қизиқмоқда.
Фикрлар