Бэйлга А Сериядан харидор чиқди

Мадриднинг "Реал" клуби вингери Гарет Бэйл фаолиятини Италия А Сериясида давом эттириши мумкин.

Goal.com тарқатган хабарга кўра 29 ёшли уэльслик футболчига "Милан"дан жиддий қизиқишлар пайдо бўла бошлади. “Россонерилар” бунинг учун “қироллик клуби”га хатто 100 млн евро тўлашга тайёр.

Аммо, миланликлар УЕФАнинг молиявий фэйр-плей қоидасини бузганликда айбланишганини инобатга олсак, бундай қиммат трансферни амалга оширишлари мушкуллик туғдириши ҳам мумкин.

Маълумот учун, Бэйл “Реал” шарафини 2013 йилдан буён ҳимоя қилиб келмоқда. У жорий мавсум 30та ўйинда майдонга тушди ва ўз ҳисобига 12та гол ҳамда 5та голли узатма ёздириб қўйишга эришди.