Биласизми? "Барселона" ЕЧЛда Мессисиз ўйнаган ўйинларнинг 76,9 фоизида ғалаба қозонган

Хабарингиз бор Каталониянинг “Барселона” клуби ЕЧЛ гуруҳ босқичининг 3-турида “Интер”га (2:0) қарши баҳсни ўз етакчиси – Лионель Мессисиз ўтказди. Аммо, шунга қарамай ғалабага эришди.

Айтиш лозимки, ушбу ўйин “кўк-анор ранглилар” учун Чемпионлар лигасида Мессисиз ўтказган 26-ўйин бўлди. Эътиборлиси, “Барса” ушбу 26та ўйиндан 20тасида ғолиб чиқа олган (76,9%), 4та ўйинда дуранг ўйнаган ва бор йўғи 2тасида мағлуб бўлган.

Эслатиб ўтамиз, 28 октябрь куни “Барселона” ўз майдонида “Реал”ни қабул қилади. Бу ўйинда ҳам Лео иштирок этмайди. Бу эса Мессисиз ўтган 11-класико сифатида тарихда қолади.