Биласизми? Салоҳ "Ливерпул"даги илк 50та голини ҳаммадан тез киритди

Аввал хабар берганимиздек “Ливерпуль” форварди Муҳаммад Салоҳ жорий ҳафта Чемпионлар лигаси гуруҳ босқич 3-туридан ўрин олган “Црвена Звезда”га (4:0) қарши баҳсда гол уриб, ўзининг мерсисайдликлар сафидаги голлари сонини 50тага етказиб олди.

Эътиборлиси, 26 ёшли мисрлик футболчига ушбу натижага эришиш учун бор йўғи 65та ўйин етарли бўлди. Шу тариқа у  50та голни Фернандо Торрес (72та ўйин) ва Даниэль Старрижлардан (91та ўйин) анча тезроқ киритишга эришди.

Эслатиб ўтамиз, Салоҳ “Ливерпуль” сафига 2017 йилнинг ёзида “Рома”дан 42 млн евроа кўчиб ўтган эди.