Бу сафарги Лондон дербисида "Арсенал" "Челси"дан устун келди (видео)

Бундан бироз олдин Ирландиянинг Дублин шаҳридаги "Авива" стадионида Internatioanl Champions Cup тижорий турниридан ўрин олган "Арсенал" ҳамда "Челси" жамоалари ўртасидаги ўйин ўз ниҳоясига етди.

"Челси" 5-дақиқада Антонио Рюдигер томонидан киритилган гол эвазига ҳисобда олдинга чиқиб олди. 15-дақиқада "аристократлар" ҳисобни ишончли кўринишга келтиришлари мумкин эди, бироқ Альваро Мората пенальтидан унумли фойдалана олмади.

Учрашувга ҳакам томонидан қўшиб берилган учинчи дақиқада эса Александр Ляказетт мувозанатни тиклади. Шу тариқа, ғолиб номини аниқлаш учун пенальтилар сериясига мурожаат этилди ва "футбол лотереяси"да 6:5 ҳисобида "Арсенал" футболчилари зафар қучишди.

Қуйида ушбу учрашувнинг қисқача видеошарҳи ҳамда киритилган голларни томоша қилишингиз мумкин: