Bugun delegatsiyamizni Olimpiadaga kuzatamiz

Xabaringiz bor, 9-25 fevral kunlari Janubiy Koreyaning Pxyonchxan shahrida navbatdagi qishki Olimpiya o‘yinlari start oladi. Ushbu musobaqada terma jamoamiz vakillari Misha Ge va Komiljon To‘xtaev (figurali uchish va tog‘ chang‘isi) ishtirok etishadi. 

Shu munosabat bilan bugun O‘zbekiston Milliy Olimpiya qo‘mitasining anjumanlar zalida musobaqada ishtirok etadigan delegatsiyamiz ishtirokida matbuot-anjumani tashkil qilinadi. Tadbir 12:00da boshlanadi va unda OAV xodimlari, sport mutasaddilari va Koreya safariga yo‘l olgan delegatsiyamiz a’zolari ham ishtirok etadilar.