“Chelsi” Beyli uchun asosiy da’vogarga aylandi

“Bayer” klubi yarim himoyachisi Leon Beyliga “Chelsi” jamoasi qiziqish bildirmoqda, deya  xabar beradi Metro nashri.

20 yoshli yamaykalik o‘yinchi o‘tgan mavsum Bundesligadagi ajoyib o‘yinlari bilan Angliya Premer-ligasining bir qator klublari e’tiborini o‘ziga tortdi. Avvalroq “Manchester Siti” ham Beyliga qiziqish bildirgan va Xosep Gvardiolaning o‘zi uning hujumda istalgan nuqtada o‘ynay olishini yuqori baholagan, biroq “Man Siti” hozirda e’tiborini “Lester” a’zosi Riyad Mahrezga qaratgan.

Shunday qilib, “Chelsi” yamaykalik yarim himoyachiga asosiy da’vogar bo‘lib turibdi. Uning tovon puli 95 mln evroni tashkil qiladi.