“Челси” Кантенинг маошини кескин ошириши қандай оқибатларга олиб келиши мумкин?

“ПСЖ”нинг оҳанграбодек “ёғли” таклифидан сақлаш учун Жаҳон Чемпиони – Нголо Кантени The Times нашрига кўра, “кўклар” клуб тарихидаги энг кўп маош олувчи футболчига айлантирадиган жудаям яхши шартнома тайёрламоқда.

Аввало айтиш жоизки, Канте бундай нархга арзийди. У Англияда уч мавсум ўтказган бўлсада барча совринларни ютиб бўлди. Икки марта Премьер Лига чемпионлиги, Англия Кубоги ва ҳкз. У майдонда кўп вақтини жамоадошларининг қилган хатосини тўғрилаш билан ўтказадиган меҳнаткаш футболчи.

Бироқ унга бундай шартнома таклиф қилиг клубда акс таъсирни кўрсатиши мумкин. Squawka нашри “Челси”нинг ўз етакчисига жиддий маошни тайинлаши қандай оқибатларга олиб келиши ҳақида таҳлил юритди.

1. Бошқа таянч ярим ҳимоячилари ҳам кўп пул сўрай бошлайди

Узоқ йиллар таянч ярим ҳимоячилари доим қадрланмай келинди. Бироқ кутилмаганда Клод Макелеле “Реал”ни тарк этди ва клуб қурган “Галактика” инқирозга учради. Ўшандан бошлаб кўпчилик ушбу позиция эгаларини қадрлай бошлади.

Агарда Канте ўз хизмати учун юқори маош оладиган бўлса, дунёнинг кўплаб номдор таянч ярим ҳимоячилари нега улар оз маош олаётганини ўйлай бошлади. Серхио Бускетс “Барселона” билан узайтирган шартномасини қайта ўйлаб кўришни бошлайди, Каземиро Флорентино Переснинг эшигини тақиллата бошлайди. Марко Верратти “ПСЖ” унга яхши маош тўламаётганини ҳис қила бошлайди, “Манчестер Сити” эса Фернандиньо ўрнига кам маош сўрайдиган футболчи қидира бошлайди.

1. “ПСЖ” ярим ҳимоячи излаб трансфер бозорига қайтади

Канте Лондонда қоладиган бўлса, “ПСЖ” қайта қурилишида муҳим ўрин тутган футболчини йўқотган бўлади. Тьяго Мотта жамоадан кетган бир пайтда парижликлар таянч ярим ҳимоячисига жудаям муҳтож. Албатта Верратти Моттанинг плеймейкерлик вазифасини бажара олади. Бироқ у Моттача даражасидаги ҳимоячи ҳам эмас. Адрьен Рабьо эса Парижни тарк этиши ҳам мумкин.

Демак “ПСЖ” ҳамо таянч ярим ҳимоячисига муҳтож. Шу сабабли трансфер бозоридаги нархлар кескин кўтарилиб кетса, бундан ажабланмаслик керак. Парижликлар ҳимоявий сифатларга эга таянч ярим ҳимоячиси учун Европани пулга кўмиб ташлашга қодир. Бу эса трансфер бозорида “домино эффекти”га олиб келиши муқаррар.

1. Азар клубдан кетади

Кантенинг юқори маош олишига ҳасад қиладиганларни топиш қийин, фақатгина бир футболчи бундан мустасно. У ҳам бўлса Эден Азар. “Челси”нинг бельгиялик вакили айни вақтда энг кўп маош олувчи футболчи. Агарда Канте бу борада ундан ўзиб кетса, Азар клубдан шартномани қайта имзолашни талаб қилиши табиий. Жаҳон Чемпионатидаги ажойиб ўйини ва Европа Лигасида ўйнаш истиқболи уни бошқа клубга ўтиб кетишига туртки бўлиши мумкин.

Клуб Азарга ҳафтасига 290 минг фунтдан кўп тўлаши мумкин. Кейинроқ эса икки футболчи учун эса 600 минг фунт тўлашига тўғри келади. Бироқ Чемпионлар Лигасида иштирок этмайдиган, келаси мавсумда қайтиши кафолатланмаган бир вазиятда бундай маош тўлаш клуб учун анча таваккал ҳисобланади.

1. “Челси” бошқа кўп маош олувчиларни тозалаши керак

Шуниси маълумки агарда Азар шартномани қайта кўриб чиқишни талаб қилса унинг шартларини қабул қилмасдан илож йўқ. Агарда Канте энг кўп маош олувчига айланса, “кўклар” ҳар бир футболчиси билан қайта шартнома имзолаб чиқишига тўғри келади. Сеск Фабрегас, Давид Луис ва Педроларнинг амалдаги шартномаси келаси мавсумда ўз ниҳоясига етади. Азар, Виллиан ва Аспиликуеталарнинг шартномалари 2020-йилда тугайди.

Аммо “Челси” кўплаб футболчилари билан шартномани янгилашни истамаслиги мумкин. Куртуа, Кейхилл ва Жирулар билан келаси мавсумда хайрлашиши аниқроқдек. Фабрегас ва Давид Луис янги бош мураббий Сарри қўли остида каттароқ вазифани бажарадиган кўринади. Педро Сарри тизимига жудаям мос тушади. Аспиликуета эса кейинги сардор бўлиши кутилмоқда.

Шунингдек, клуб юқори маош талаб қилувчиларни ўз мактаби тарбияланувчилари билан янгилаши мумкин. Шунинг учун улар Кантенинг маоши оширилишида юқоридаги ҳолатларни эътиборга олиши зарур.

Эркинжон Ғайбуллаев тайёрлади.