"Челси" эртага Азарга янги шартнома таклиф қилади

Лондоннинг “Челси” клуби раҳбарияти эртага жамоа вингери Эден Азарга янги шартнома таклиф қилади.

The Times нашри тарқатган хабарга кўра “аристократлар” 27 ёшли бельгиялик футболчи таътилдан қайтгани захоти у билан амалдаги келишувни узайтириш борасида музокараларни бошлайди. Маълумотларга қараганда “аристократлар” янги келишувга кўра Азарнинг маошини ҳафтасига 337 минг фунтга қадар оширишади. Агар ушбу келишув имзоланса, Азар АПЛнинг энг кўп маош олувчи футболчиларидан бирига айланади.

Таққослаш учун, “Манчестер Сити” етакчилари Кевин Де Брёйне ҳамда Серхио Агуэроларнинг маоши ҳам ҳафтасига 337 минг еврони ташкил этади.