"Челси" футболчиси Ла Лига клубига кўчиб ўтди (ФОТО)

Испаниянинг "Леганес" клуби "Челси" ҳимоячиси Кеннет Омеруони ўз сафига қўшиб олгани ҳақида эълон қилди.

Унга кўра Ла Лига иштирокчиси 24 ёшли нигериялик футболчини кейинчалик сотиб олиш ҳуқуқи билан бир йилга ижарага олган.

Маълумот учун, Кеннет 2012 йилдан буён "Челси" аъзоси ҳисобланади. У ўтган давр мобайнида "Ден Хааг", "Мидлсбро", "Касимпаша" ва "Аланьяспор" каби жамоаларда ижарада тўп сурган. Нигерия терма жамоаси сафида эса 40та ўйинда иштирок этган.