Чемпионлик ўйини бўлиши кутилаётган "Локомотив" - "Пахтакор" ўйини бошқа кунга кўчирилди

ЎзПФЛ Суперлиганинг иккинчи босқич тақвимини тузиб чиқаётганида Эктор Купер ҳамда МТЖ масъул вакиллари билан келишиб, ўйинларни терма жамоаларга ҳалал бермайдиган кунларга тайин қилганди. Бунинг натижасида шу кунгача иккинчи босқич тақвимига қатъий амал қилиб келинди. Аммо Ўзбекистон миллий термасининг Австралия йиғинидан қайтиб келиши бироз чўзиладиган бўлди. Эндиликда бош жамоа Тошкентга 23 ноябрь куни кечки пайт етиб келади. Тақвим бўйича 25 ноябрь куни чемпионлик ўйини бўлиши кутилаётган “Локомотив” — “Пахтакор” учрашуви ўтказилиши керак эди.

Мазкур масала юзасидан “Пахтакор” футбол клуби ЎзПФЛга таклиф билан чиқиб, учрашувни бир кунга кечиктиришни сўради. Шунингдек, “Локомотив” футбол клуби бу таклифни қўллаб-қувватлади. Мазкур жамоалар футболчилари миллий терманинг асосини ташкил этиши инобатга олиниб, ПФЛ уларнинг таклифини маъқуллади ва пойтахт дербисини 26 ноябрга кўчирди. Бу каби марказий ўйинларда футболчиларнинг тўлиқ куч билан ҳаракат қила олиши асосий фактордир. 

Фикрлар

Саралаш
Фикр қолдириш учун авторизациядан ўтинг!
&
ахмад49
15/11/2018 20:48
Мана шу уйиндан хам футбол ишкибозлари хадиксирамокда,Умид Ахмаджонов томонидан шу уйинга хам пахтакор фойдасига ишлайдиган бир нарса уйлаб топади деб худди Андижон-Истиклол уйини каби яна Шерзод Косимовни куядими ёки яна бир тулкиликни уйлаб топадими билмадик,билмадик.Энди бу уйин Локомотив-Пахтакор уйини УФА президенти Очилбой ака Раметов назоратида булса керак сабаби Очилбой ака Узб.темир йуллари бошлиги хамдир,Ахмаджонов шунинг учун хам бу уйинга таъсирини утказа олмаса керак,яна билмадик Ахмаджоновнинг козири хакамлар кумитаси,аскарлари Шерзод Косимов,Асимов,Тухтасинов.Андижондаги Истиклол билан уйинни хамма курди хали уйин бошланмасдан олдин Кубок,медаллар,кобалт машиналар тайёрлаб куйилган яъни Андижоннинг ютиши Шерзод Косимов иштирокида режалаштирилиб куйилган.Битта нарсага хайронмиз нима учун Фаргоналиклар жим,нима учун шикоятлар ёзишмаётибди.
Жавоб ёзиш