Даврон Файзиев “Динамо”да молиявий муаммолар бор ёки йўқлиги ҳақида гапирди

Мавсумни Про-лиганинг “А” гуруҳида ўтказаётган Самарқанднинг “Динамо” клуби иккинчи даврага жиддий тайёргарлик кўрмоқда. Жамоа бош мураббийи Даврон Файзиев SPORTS.uz муҳбири билан бўлиб ўтган суҳбат давомида мамлакатимизнинг аксарият клубларида кузатилаётган молиявий муаммолар унинг жамоасида бор ёки йўқлиги ҳақида гапириб ўтди.

“Жамоамизда молиявий томондан муаммо бор ёки йўқ деб айта олмайман. Таркибимизга янги ўйинчиларни оляпмизми, демак молиявий томондан имкониятларимиз ёмон эмас. Барибир мавсум бошида тайёргарлик кечроқ бошлангани чемпионат давомида ўз таъсирини кўрсатяпти. 15 очколик фарқ бошқалар учун катта кўриниши мумкин. Балки бу тафовутни йўққа чиқара олармиз. Бу кўпроқ ўзаро ўйинларга боғлиқ бўлади. Нима бўлганда ҳам максимал даражада ҳаракат қиламиз”, - дейди тажрибали мутахассис.

Даврон Файзиев билан уюштирилган суҳбатнинг тўлиқ қисмини тез орада сайтимизда ўқишингиз мумкин. Бизни кузатишда давом этинг!