Деле Алли Англия терма жамоасининг мақсади нима эканлигини айтди

Англия терма жамоаси ярим ҳимоячиси Деле Алли жамоасининг келажакдаги мақсадлари ҳақида гапириб ўтди.

“Бизнинг мақсадимиз – дунёнинг энг кучли терма жамоаларидан бири сифатида эътироф этилишимиз. Бу қийин вазифа, аммо биз ўзимизга ва мураббийимизга ишонамиз.

Биз бунга эришишимиз мумкинлигига чин дилдан ишонамиз ва менимча, бу энг муҳимидир. Биз жаҳон чемпионатида жуда яхши иштирок этдик ва ярим финалгача етиб бора олдик. Ўшанда биз ҳақимизда кўплаб ижобий фикрлар билдирилди. Бу эса халқимиз учун катта шараф эканлигини билганмиз.

Олдинда эса қиладиган ишларимиз жуда кўп ва биз буни ҳис қилиб турибмиз”, - дейди Алли.

Эслатиб ўтамиз, Англия терма жамоаси бугун ўз майдонида Хорватияга қарши баҳс олиб боради.