Деонтей Уайлдер: Жошуа мени ҳам, Тайсонни ҳам ура олмайди

Супер оғир вазн тоифасининг WBC чемпионлик камари соҳиби америкалик Деонтей Уайлдер фикрича, британиялик боксчи Энтони Жошуа энг яхши боксчилар қаторидан ўрин олишга лойқи эмас. Британиялик боксчи айни дамда IBF, WBA, WBO ва IBO чемпионлик камарларига эгалик қилмоқда.

– Мен Фьюри билан бўладиган жанг супер оғир вазнда энг яхши боксчи бўлишга ҳақли эканлигини кўрсатади. Жошуа? Унда буни исботлаш учун имконият бор эди, аммо чақирувни қабул қилмади.

– Жошуада энг яхши бўлиш учун жасурлик етади деб ўйламайман. Жошуа яхши ўсмоқда ва ўз нархини оширмоқда. Аммо ҳақиқат шунки, у мени ҳам, жаҳондаги иккинчи супер оғир вазнли боксчи Тайсон Фьюрини ҳам ура олмайди. Мен бунга ишончим комил, – дея Уайлдернинг сўзларини келтиради Boxing Scene нашри.

Эслатиб ўтамиз, 1 декабр куни Лос-Анжелес (АҚШ)да Деонтей Уайлдер Тайсон Фьюрига қарши рингга чиқади.