Emelyanenko "Bellator"dagi raqibi haqida: Rayan turnirning eng kuchli jangchisi

Rossiyalik og‘ir vaznli jangchi Fyodor Emelyanenko "Bellator" turniridagi raqiblari haqida o‘z fikrini bildirdi.

- Ushbu turnirda ishtirok etayotganimdan juda xursandman, meni ishtirok etishga taklif qilgan Skott Kokerga ham minnatdorchiligimni bildiraman. Aytib o‘tishim joizki, ishtirok etuvchilar orasida men yagona rossiyalik jangchiman, men o‘z vatanim uchun jang qilaman.

Frenk Mir hamda Cheyl Sonneni mag‘lub etganimdan baxtiyorman. Oldinda turnirning ohirgi jangi, hali hammasi oldinda.

Rayan Beyderga qarshi ringga ko‘tarilishim darkor. U turnirning eng kuchli, savodli hamda o‘ylab harakat qiladigan jangchidir, - dedi Fyodor.

27 yanvar kuni "Bellator" final bahsi doirasida Emelyanenko Beyderga qarshi ringga ko‘tariladi.