Энг кўп ва энг кам мухлислар Тошкентдаги учрашувларда

SPORTS.uz сайти ҳар турдан сўнг мухлислар ташрифи борасидаги статистикани тузиб чиқади. Бу гал ҳам ушбу анъана давом этди.

20-турда Суперлиганинг 6 ўйинини томоша қилиш учун стадионларга жами 47583 нафар томошабин ташриф буюрди. Бу кўрсаткич бир учрашувга ўртача 7930ни ташкил қилади.

Энг кўп мухлис Тошкентдаги “Пахтакор” – “Локомотив” қарама-қаршилигини кузатди – 16280. Водий дербиси “Нефтчи” – “Навбаҳор” баҳсига 7241 ишқибоз келди. Бу беллашувга Намангандан жуда ҳам кўп мухлислар келгани ва “Истиқлол” стадионида мезбонлардан кўп эканлиги эътиборга молик. “Лочинлар” мухлислари сафардаги ўйинларни ҳам уйдагидек кўпчилик билан қарши олишмоқда.

Энг кам мухлис эса Тошкентдаги “Бунёдкор” – “Қўқон-1912” беллашувида қайд этилди – 3174.

Қуйида йигирманчи турга келган энг кўп мухлислар кетма-кетлиги билан танишишингиз мумкин:

"Пахтакор" – "Локомотив" 1:1. 16280 томошабин.

"Бухоро" – "Металлург" 2:1. 12000 томошабин.

"Нефтчи" – "Навбаҳор" 2:1. 7241 томошабин.

"Сўғдиёна" – "Насаф" 0:1. 5700 томошабин.

АГМК – "Қизилқум" 3:0. 3188 томошабин.

“Бунёдкор” – “Қўқон-1912” 1:3. 3174 томошабин.