"Фиорентина" 21 ёшли футболчисини МЮга 50 млн еврога сотмади

Италиянинг "Фиорентина" клуби ўзининг сербиялик ҳимоячиси Никола Миленковичнинг трансфери бўйича "Манчестер Юнайтед"дан бўлган таклифни рад этди.

The Mirror нашри тарқатган хабарга кўра “қизил иблислар” 21 ёшли футболчи учун “бинафшаранглилар”га нақд 50 млн евро таклиф қилишган, бироқ А Серия клуби ўзининг асосий футболчиларидан бирини қўйиб юборишни хоҳлашмаган.

Энди МЮ ёзда бор эътиборини “Наполи” ҳимоячиси Калиду Кулибалини сотиб олишга қаратади.

Маълумот учун, Миленкович жорий мавсум "Фиорентина" сафида жами 20та ўйинда майдонга тушди ва 2та гол уришга эришди. Унинг клуб билан амалдаги шартномаси 2022 йилга қадар имзоланган. Трансфер баҳоси эса 35 млн еврога баҳоланмоқда.