Гвардиола: Шахтер" иккинчи бўлимда бизга катта босим уюштирди

"Манчестер Сити" клуби бош мураббийи Хосеп Гвардиола ЕЧЛ гуруҳ босқичи доирасида "Шахтер"ни 3:0 ҳисоби билан мағлуб этганликларидан сўнг ўз фикрини билдирди.

- Шуни айтишим жоизки, ажойиб учрашув ўтказдик. Футболчилар асосан биринчи бўлимда яхши ўйин кўрсатишди, кескин хужумлар яратишда ҳам устунлик қилдик. Тан олиш лозим, "Шахтер" иккинчи бўлимда бизга катта босим уюштирди. 

3:0 ҳисоби билан меҳмонда ғалаба қозониш яхши натижа деб ўйлайман. Биринчи учрашувда "Лион"га имкониятни бой бердик, бироқ Германияда ва Украинадаги ғалабаларимиз туфайли ўзимизни англадик, - деди Пеп.