Ҳимоячиларнинг уч кушандаси
Испания Ла лигаси бошқа мамлакатлар чемпионатидан техникаси кучли футболчиларга бойлиги билан ажралиб туради. Бу албатта испан футболининг ютуғидир. Хўш, Испанияда қайси футболчиларга ўйнаш қийин, қайси ҳужумчилар ҳимоячиларни мураккаб аҳволга солиб қўяди?
Бу саволларга "Депортиво"нинг бразилиялик ҳимоячиси Сидней жавоб берди.
- Бу саволларга жавоб бериш учун бир футболчини айтиш қийин, - деди Сидней. - Ла лигада зўр футболчилар кўп. Лекин менинг фикримча, Лионель Месси, Криштиану Роналду ва Ариц Адурисга қарши ўйнаш қийин. Бу футболчиларнинг маҳорати уларга қарши бор эътибор билан тўп суришни талаб этади.
27 ёшли Сидней жорий мавсумда 16 та учрашувда майдонга тушди ва битта гол ҳам урди. Бразилиялик ҳимоячининг "Депортиво" билан шартномаси 2020 йилгача давом этади.
Фикрлар