Икардининг агенти "Интер" раҳбариятига қандай ультиматум қўйди?

Миланнинг “Интер” клуби форварди Мауро Икардининг агенти ва хотини Ванда Нара “нерадзуррилар” раҳбариятига ультиматум қўйди.

La Gazzetta dello Sport нашри тарқатган хабарга кўра Нара раҳбариятдан Икардига тегишли бўлган сардорлик боғичи қайтарилишини талаб қилмоқда. Акс ҳолда аргентиналик футболчи майдонга тушмаслигини айтган.

Эслатиб ўтамиз, шартномани узайтиришни хоҳламаётгани учун “Интер” раҳбарияти Икардидан сардорлиқ боғичини олиб қўйган ва уни дарвозабон Самир Хандановичга топширган эди.

Икарди “Интер”нинг Европа лигасидан ўрин олган “Рапид” ва А Сериядан ўрин олган “Сампдория”га қарши ўйинларида иштирок этмади.