Икардининг жароҳати жиддий бўлиб чиқмади

Миланнинг “Интер”клуби ҳужумчиси Мауро Икарди тиззасидан олган жароҳати сабаб чуқурлаштирилган тиббий кўрикдан ўтказилди.

Клуб расмий сайти тарқатган хабарга кўра 25 ёшли аргентиналик футболчининг жароҳати жиддий эмаслиги маълум бўлди.

Эслатиб ўтамиз, бундан аввалроқ “нерадзуррилар” раҳбарияти янги шартнома борасида келиб чиққан можаро ортидан Икардидан сардорлик боғичини олиб қўйган эди. У жамоасининг сўнгги 2та ўйинини ўтказиб юборди.