"Интер" Перишични сотмоқчи

Миланнинг "Интер" клуби раҳбарияти жамоа ярим ҳимоячиси Иван Перишични сотиб юборишни режалаштирмоқда. Бу ҳақда La Gazzetta dello Sport нашри хабар бермоқда.

Юқоридаги манбаага кўра “нерадзуррилар” 29 ёшли хорватиялик футболчини трансферга қўйишмоқчи. Унинг нархи эса 40 миллион еврога баҳоланмоқда.

"Интер" унинг ўрнига "Далянь Ифан" клубида тўп сураётган бельгиялик футболчи Янник Феррейра Карраскони олиб келмоқчи.

Маълумот учун, Перишич жорий мавсум миланликлар сафида жами 25та ўйинда майдонга тушди ва ўз ҳисобига 3та гол ҳамда 3та голли узатма ёздириб қўйишга эришди.