“Интер” Рафиньяни яна ижарага олмоқчи

Каталониянинг “Барселона” клуби ярим ҳимоячиси Рафинья Алькантара янги мавсумни ҳам  “Интер” сафида ўтказиши мумкин.

Mundo Deportivo нашри тарқатган хабарга кўра "нерадзуррилар" бразилиялик футболчини кейинчалик 30 млн еврога сотиб олиш ҳуқуқи билан ижарага олишмоқчи. Эслатиб ўтиш лозимки, Рафинья ўтган мавсумнинг иккинчи ярмини ҳам айнан ижара асосида “Интер” сафида ўтказган эди, бироқ якунда жамоалар футболчининг трансфери борасида бир қарорга кела олишмаганди.

Хабарларга қараганда Рафиньянинг хизматларига шунингдек "Лацио" ҳамда "Тоттенхэм" каби жамоалар ҳам жиддий қизиқиш билдиришмоқда.