“Интер” Видални А Серияга қайтармоқчи

Миланнинг “Интер” клуби “Бавария” ярим ҳимоячиси Артуро Видални ўз сафига қўшиб олмоқчи.

Хабарларга қараганда 31 ёшли чилилик футболчи мюнхенликллар сафидан кетишга қарши эмас, фақат у бўлажак жамоасида йилига 7,3 миллион евродан кам бўлмаган миқдорда маош олмоқчи.

Эслатиб ўтиш лозимки, бундан аввалроқ Видалга Мадриднинг “Атлетико” клубидан ҳам жиддий таклифлар бўлаётгани ҳақида хабарлар тарқалган эди.

Маълумот учун, Видаль ўтган мавсум “Бавария” сафида жами 35та ўйинда майдонга тушган ва ўз ҳисобига 6та гол ҳамда 2та голли узатма ёздириб қўйишга эришган.

Таъкидлаш керакки Видаль учун Италия А Серияси бегона эмас. У “Бавария”га ўтишдан аввал бир неча мавсум Туриннинг “Ювентус” клубида тўп сурган.