“Интер” ҳамон “Атлетико” ҳимоячиси учун курашмоқда

Келаси мавсум Чемпионлар лигасида иштирок этувчи Миланнинг “Интер” клуби ўз сафини “Атлетико” ҳимоячиси Шиме Врсалько билан кучайтирмоқчи. Бу ҳақда Football Italia нашри хабар тарқатмоқда.

Юқоридаги манбаанинг ёзишича “нерадзуррилар” 25 ёшли хорватиялик футболчини кейинчалик сотиб олиш ҳуқуқи билан бир йилга ижарага олишмоқчи. Бироқ, “матрасчилар” футболчини тўлиқлигича сотишни режалаштиришмоқда. Таъкидлаш керакки, Врсалькога “Интер”дан ташқари шунингдек “Рома” ҳамда “Наполи” клублари ҳам жиддий қизиқиш билдиришмоқда.

Маълумот учун, Врсалько якунига етган мавсум “Атлетико” сафида жами 29та ўйинда майдонга тушиб, 5та голга ассистентлик қилган