"Интер" яна бир трансфер бўйича келишувга эришди

"Удинезе" клуби ярим ҳимоячиси Родриго де Пауль фаолиятини "Интер"да давом эттирадиган бўлди. Бу ҳақда Sportmediaset нашри хабар бермоқда.

Унга кўра "нерадзурри"лар 24 ёшли аргентиналик футболчи учун 30 млн евро тўлашади. Ушбу трансфер эса ёзда амалга оширилиши айтилмоқда.

Маълумот учун, де Пауль жорий мавсум “Удинезе” сафида тўпурарлик қилмоқда. У А Сериянинг 19та турида рақиблари дарвозасига 6та гол уришга эришди.

Эслатиб ўтамиз, де Паулга шунингдек “Рома”дан ҳам жиддий қизиқишлар бўлаётган эди.