Jang davomida ustunlik qilgan Bektemir Meliqo‘ziev mag‘lub etildi

"Uzbek Tigers" vakillari Jahon Boks Seriyalarining chorak final javob uchrashuvida "Cuba Domadores" bokschilariga qarshi janglarni biroz kutilmagan mag‘lubiyatlar bilan boshlashdi. Dastlab Jasur Latipov, so‘ngra Elnur Abduraimov va Shaxram G‘iyosov mag‘lubiyat alamani tortib ko‘rishdi.

Ushbu janglardan so‘ng, 81 kg vazn toifasida ringga hamyurtimiz Bektemir Meliqo‘ziev chiqib keldi. Kubalik Julio La Kruzga qarshi jang olib borgan bokschimiz besh raund davom etgan bahsda kuchli zarbalari bilan raqib vakilini qiyin ahvolga solib qo‘ydi.

Dastlabki raund teng kurashlar ostida o‘tgan bo‘lsa, keyingi raundlarda Bektemir Meliqo‘ziev yaqqol ustunlik qildi. Biroq kutilmaganda hakamlar ochkolarni kubalik bokschi hisobiga yozib qo‘yishda davom etdi va barcha raundlarni raqib foydasiga hal bo‘ldi.

Bahs so‘nggiga qadar ringda Bektemir Meliqo‘zievdan qochib yurgan holda jang o‘tkazgan Julio La Kruz hakamlarning shubhali qaroriga ko‘ra g‘alabani qo‘lga kiritdi. 

Umumiy hisob

"Cuba Domadores" 6:3 "Uzbek Tigers"

• O‘zbekistonlik Osiyo chempionlari "Cuba Domadores" vakillarini mag‘lub eta olmadi 

• Ronel Iglesias Riodagi mag‘lubiyat uchun Shaxram G‘iyosovdan revansh oldi 

• Elnur Abduraimov ham taslim etildi. Kubaliklar hisobda oldinga chiqib olishdi

• Osiyo chempioni Jasurbek Latipov Kubada mag‘lub etildi

• WSB. Shaxram G‘iyosov Rioda taslim etgan raqibini qayta sinovdan o‘tkazadi

• WSB. Elnur Abduraimov uch karra jahon chempionini mag‘lub eta oladimi?

• WSB. Yosbani Veytia - Jasurbek Latipov qarama-qarshiligida kimni imkoniyati qanday?