Жеко ЕЧЛда ҳафта футболчиси деб топилди

УЕФА Чемпионлар лигасининг жорий ҳафтадаги энг яхши футболчиси аниқланди.

Унга кўра УЕФА расмий сайтида ўтказилган махсус сўровномада “Рома” форварди Эдин Жеко ҳаммадан кўп овоз тўплади ва ҳафта футболчиси деб топилди. Қайд этиш лозимки, 31 ёшли босниялик футболчи ЦСКАга (3:0) қарши баҳсда дубль қайд этиш билан бирга, жамоасининг яна бир голига ассистентлик қилишга эришди.

Эслатиб ўтамиз, номзодлар орасида шунингдек “Ливерпуль” форвади Муҳаммад Салоҳ, “Манчестер Сити” ярим ҳимоячиси Давид Сильва ҳамда “Боруссия” Дортмунд ҳимоячиси Ашраф Хакимилар ҳам бор эди.