Жон Терри фаолиятини якунламоқчи эмас

Лондоннинг “Челси” клуби ҳамда Англия терма жамоаси собиқ ҳимоячиси Жон Терри фаолиятини якунламоқчи эмаслиги ҳақида айтиб ўтди.

Эслатиб ўтиш лозимки, бундан аввалроқ тажрибали футболчи бутсаларини михга илиб, Sky Sports телеканалида эксперт сифатида фаолият олиб бориши ҳақида хабарлар тарқалган эди.

“Мен фаолиятимни якунламоқчи эмаслигимни айтмоқчиман. Ҳозир мен оилам билан таътилда мароқли ҳордиқ чиқараяпман ва у ердан қайтгач барча таклифларни кўриб чиқаман”, - дейди Терри.

Маълумот учун, Жон Терри ўтган мавсум “Астон Вилла” сафида Чемпионшипда 36та ўйинда майдонга тушган ва 1та голга муаллифлик қилишга эришган. У Айни дамда эркин агент ҳисобланади.